Црвено

Често се обидувам да ги забележам лицата на оние возачи кои поминуваат на црвено. Посебен впечаток ми оставаат оние кои поминуваат на длабоко црвено (тоа е онаа сатурирана црвена боја, кога семафорот веќе неколку секунди свети црвено). Во најголем дел возачите - се смеат! Никогаш нема да разберам што има толку смешно во тоа да направиш прекршок, да поминеш на црвено светло, да си последната кола во редицата која упорно се обидува да ја помине раскрсницата додека им попречува на останатите возачи и пешаци? Никогаш!