Инсталационен Фестивал 2006

Во Домот на народна техника во Скопје, викендов се одржува Инсталационен Фестивал 2006, во организација на Слободен софтвер. Овој настан се организира по трет пат. Целта е масовно да се инсталира слободниот оперативен систем Линукс. Посетителите ќе добијат стручна помош при инсталација на овој оперативен систем.
Освен инсталирање на Линукс, на овој фестивал може и да се снимат најразновидни дистрибуции на овој оперативен систем и останатите слободни апликативни програми.
Во попладневните часови ќе има работилници за развој на веб апликации со употреба на слободни веб платформи, локализација на слободен софтвер и запознавање со работата на македонскиот тим на википедија, најпознатата слободна енциклопедија.
Во вечерните часови се планирани панел дискусии на тема слободниот софтвер и софтверските патенти, авторските права и интелектуалната сопственост и импликациите за секој граѓанин во информациското општество.
Повеќе информации за самиот настан можете да најдете на следниот линк.

У во Скопје! :-)

Што уствари означува слово У у Скопје?...
Скопското У има посве другачија природа. У Скопје имаш све, новите музички достигнувања, за достоен и културен живот...

Шетајќи низ блогосферата, налетав на еден интересен пост. Остатокот од текстот можете да го прочитате тука.

Културни случувања во Старата скопска чаршија

Утре и задутре во Скопската Чаршија ќе ечи од музика, ќе има проекција на филмови, ќе се чита поезија, ќе има и изложба. Настанот е наречен "Звуците на чаршијата" а ќе почне напладне со дефиле то на Градскиот оркестар при МКЦ по улиците на Чаршијата. Пред платото на Чифте Амам ќе има и саем на детски производи од работилницата "Учиме да правиме оригами". Во КапШан ан ќе свири Мандолинскиот оркестар при МКЦ (во 14 часот), а во Музејот на Македонија (во 16 часот) ќе има проекција на документаци на Елизабета Коневска... (Вест)

Повеќе информации за "Звуците на чаршијата" можете да добиете и тука.